Wednesday, September 19, 2012

കൂടംകുളത്തില്‍ തട്ടിവീഴുന്ന വിപ്ലവം



കേരളത്തില്‍ ജനങ്ങളുടെ അവകാശങ്ങള്‍ക്കു വേണ്ടി പോരാടി അത് നേടിക്കൊടുത്ത ഏതെങ്കിലും ഒരുപ്രസ്ഥാനത്തെപ്പറ്റി കാലം സംസാരിക്കയാണെങ്കില്‍ അത് സി.പി.എമ്മിനെക്കുറിച്ചായിരിക്കും. അല്ലെങ്കില്‍ അതിനുമുമ്പുള്ള അവിഭക്ത കമ്മ്യൂണിസ്റ്റ് പ്രസ്ഥാനത്തെക്കുറിച്ചും. ഇതിനിടയിലോ അല്ലെങ്കില്‍ ഇതിനുശേഷമോ സാധാരണ ജനങ്ങളെ സ്വാധീനിച്ച ഒരു പ്രസ്ഥാനം കേരളത്തിലുണ്ടായിട്ടില്ലാ എന്നത് എഴുതപ്പെടാത്ത സത്യവും. വിപ്ലവവഴികളില്‍ അടിപതറാതെ അത്താഴപ്പട്ടിണിക്കാരില്‍ നിന്നും ഊര്‍ജ്ജമുള്‍ക്കൊണ്ട് അവരുടെ സ്വപ്‌നമായി മാറിയ ഇന്ത്യയിലെ ഇടതുപക്ഷ കമ്മ്യൂണിസ്റ്റ് പ്രസ്ഥാനം പക്ഷേ ഇന്നാരെേെയാ ഭയക്കുന്നു എന്നുപറഞ്ഞാല്‍ അതിലൊളിഞ്ഞിരിക്കുന്ന ഒരു ചെറുതരി സത്യമെങ്കിലും കേരളീയന്റെ മനസ്സില്‍ തട്ടും. ഉണ്ടോ? ഭയക്കുന്നുണ്ടോ?